Cesáreo González
| Biografía | |
|---|---|
| Nacemento | 29 de maio de 1903  Vigo, España |
| Morte | 20 de marzo de 1968 (64 anos) Madrid, España |
| Lugar de sepultura | Cemiterio de Pereiró |
| Actividade | |
| Ocupación | produtor de cinema, empresario |
| Premios | |
  | |
Cesáreo González Rodríguez, nado en Vigo o 30 de maio de 1903 e finado en Madrid o 20 de marzo de 1968, foi un distribuidor e produtor cinematográfico, fundador de Suevia Films.[1]
Traxectoria
[editar | editar a fonte]Naceu nunha familia de orixe labrega. Emigrou a Cuba con doce anos, e logo a México. En 1931 regresou a Vigo, e investiu os cartos que gañara en varios negocios, como unha axencia de publicidade, a sala de festas Savoy ou a representación de Citroën en Galicia. Acadou axiña grande éxito como empresario, e na tempada 1934-1935 foi presidente do Real Club Celta de Vigo.[2]
En 1940 decidiu investir no negocio cinematográfico, que coñeceu pola rodaxe en Galicia de El famoso Carballeira, de Fernando Mignoni. Creou a produtora Suevia Films, e promoveu o filme ¡¡Polizón a bordo!! (Florián Rey, 1941), inspirado na súa propia aventura migratoria. Procurou dar difusión ás súas películas, con historias sobre a morriña para o público galego emigrante en América (Mar abierto, Ramón Torrado, 1946). Ao tempo, fixo superproducións históricas como Reina Santa (Rafael Gil, 1947) que inicialmente ía protagonizar a actriz británica Madeleine Carroll e finalmente interpretou Maruchi Fresno.
Na década de 1950 consolidou un star-system propio, coa sinatura de contratos en exclusiva con xente coñecida como Lola Flores, Sara Montiel, Carmen Sevilla, Paquita Rico, Joselito ou Marisol. Faleceu logo de asinar un contrato para catro películas con Luis García Berlanga.
Películas
[editar | editar a fonte]A continuación algunhas das películas que produciu.[3]
- Polizón a Bordo (1941)
- Bambú (1945)
- Botón de Ancla (1947)
- La nao Capitana (1947)
- Mare Nostrum (1948)
- La corona negra (1950)
- Teatro Apolo (1950)
- La Señora de Fátima (1951)
- Violetas imperiales (1952)
- Camelia (1953)
- Pena, penita, pena (1953)
- La bella Otero (1954)
- Historias de la radio (1955)
- La Faraona (1955)
- Limosna de amores (1955)
- Fedra (1956)
- Faustina (1956)
- Calle Mayor (1957)
- La Guerra Empieza en Cuba (1957)
- El ruiseñor de las cumbres (1958)
- Ha llegado un ángel (1961)
- El balcón de la luna (1962)
- El caballo blanco (1962)
- Los pianos mecánicos (1965)
- Cristina Guzmán (1968)
- ¡Vivan los novios! (1970)
Notas
[editar | editar a fonte]- ↑ Centro Virtual Cervantes (en castelán)
- ↑ "Ficha de Cesáreo González na Historia do Celta". Arquivado dende o orixinal o 07 de marzo de 2016. Consultado o 07 de marzo de 2016.
- ↑ Datos en IMDb
Véxase tamén
[editar | editar a fonte]Bibliografía
[editar | editar a fonte]- Durán, José Antonio; Cesáreo González, el empresario espectáculo: viaje al taller de cine, fútbol y varietés del general Franco, 2003, Deputación Provincial de Pontevedra, 300 páx. ISBN 978-84-931470-3-7 (en castelán).
- Castro de Paz, José Luis e Cerdán, Josetxo; Suevia Films-Cesáreo González, treinta años de cine español, 2005, Xunta de Galicia, 336 páx., ISBN 13: 978-84-453-4066-0 (en castelán).
- Abajo de Pablos, Juan Julio e Morgua e Mastrés, Ana; Suevia Films, Cesáreo González, 2009, Fancy Ediciones, 314 páx. ISBN 978-84-9922-220-2 (en castelán).
