出自維基百科，自由嘅百科全書
回輸模型。如果B 細過零，回輸係負。
Feedback（借入粵語作粵拼：fit1 bek1），用漢字嘅話又有譯做回輸或者反饋，係種打圈嘅因果過程，將一個系統嘅 output 打返去佢嘅 input 度。
Fit1 bek1 可以用嚟控制系統嘅運動；喺電子學、工程學、建築學、經濟學、熱力學、生物學都見到。
雖然 fit1 bek1 存在喺好多唔同嘅領域嘅學科理論當中，但係基本可以按照 feedback 嘅效果分成兩種，
- 即以某種程度疊加到 input 量、結果愈偏嘅正，同埋
- 以某種程度拉返 input 量、結果回中嘅負。
用極性來講，正 fit1 bek1 個極性同 input 量極性一樣，負 fit1 bek1 個極性同 input 量極性相反。
一啲平日見到嘅例，係打上電台風煙節目（phone-in）嘅聽眾唔閂收音機，收音機播出把聲即時通過電話變成 input，出現嘅 we we 聲，喺唱歌嗰時個咪高峰擺得太近個音響喇叭都有呢個問題。
