Tetraëder

Simmetrieë van die tetraëder: 'n C₃-as, 'n S₄ as en 'n spieëlvlak

'n Tetraëder is die eenvoudigste van die vyf Platoniese vaste liggame of Platoniese veelvlakke.

Die tetraëder bestaan uit vier gelyke gelyksydige driehoeke, wat in vier hoekpunte ontmoet. Daar is 6 gelyke sye wat hoeke van 60° met mekaar maak.

Die inhoud van 'n tetraëder met sy s is:

$V={\frac {s^{3}}{6{\sqrt {2}}}}$

Chemie

In die chemie, en veral die organiese chemie speel die tetraëder 'n sentrale rol omdat molekule dikwels hierdie vorm het.

'n Goeie voorbeeld is die damp van die element fosfor. Dit bestaan uit P₄-molekule wat die hoekpunte van 'n tetraëder beset.

In hierdie geval is die middelpunt van die tetraëder leeg en die chemiese bindings volg die sye van die tetraëder.

In die organiese chemie word dikwels 'n koolstofatoom in die tetraëder se middelpunt aangetref met vier ander atome op die hoekpunte. Die bindings is nou langs die lyne geleë wat die middelpunt met die hoekpunte verbind.

Indien hierdie vier ligande dieselfde atome betref, soos in metaan CH₄ is dit 'n perfek simmetriese tetraëder en die hoeke H-C-H wat die arme van die molekuul vorm is die tetraëderhoek:

$\alpha =arccos(-{\frac {1}{3}})\approx 109.4712206^{o}$

Indien die vier ligande nie dieselfde is nie, sal die tetraëder nie perfek simmetries wees nie en die hoeke wat die bindings vorm afwyk van die ideale waarde van die tetraëderhoek.

Dit is byvoorbeeld die geval in ammoniak waar een van die ligande vervang is deur 'n alleenpaar.

Sien ook

• Afgeleide vorm: Reuleaux-tetraëder

Platoniese vaste liggame
Naam	tetraëder	heksaëder	oktaëder	dodekaëder	ikosaëder
Puntgroep	Td	Oh	Oh	I	I
Vlakke	4	6	8	12	20
Vlaksoort	driehoek	vierkant	driehoek	vyfhoek	driehoek
Hoekpunte	4	8	6	20	12
Sye	6	12	12	30	30