شجرة عيد الميلاد هيا شجره مزخرفه مرتبطه بالاحتفال بعيد الميلاد ارتبطت رمزيتها بشجرة الجنه و استخدام شجره متزينه بالتفاح بيمثل الفاكهه المحرمه، الشجره فى الغالب بتكون من نوع الصنوبريات دايمة الخضره زى شجر التنوب او الصنوبر او شجره اصطناعيه بتشبههم بالشكل، بيرجع اصل التقليد لألمانيا،[2] اتطور التقليد فى ليفونيا (استونيا و لاتفيا دلوقتى) فى العصور الوسطى و فى المانيا الحديثه لما المسيحيين البروتستانت الالمان حطو الشجر المتزخرف فى بيوتهم،[3][4] التقليد اكتسب شعبيه برا المناطق اللوثريه فى المانيا و دول البلطيق فى النص التانى من القرن التسعتاشر.[5][6]
كانت الشجره بشكل تقليدى بتتزيين بالورود المعموله من الورق الملون و التفاح و الزينه، مسيحيين مورافيا بدأو ينورو شجر عيد الميلاد بالشموع و اللى حلت محلها بعدين اضواء عيد الميلاد بعد ظهور الكهربا، النهارده فيه مجموعه متنوعه من الزينه التقليديه و الحديثه زى اكاليل الزهور و الزينه و الحلويات كمان ممكن يكون فيه ملاك او نجمه فى فوق الشجره بيمثل الملاك جبرائيل او نجمه بيت لحم، الكنيسه الكاتوليكيه كانت بترفض التقليد داه وظهرت اول شجره عيد الميلاد فى الفاتيكان سنة 1982.